სერგო თბილელი

დაბადების თარიღი:
9.02.1958 ქ.თბილისი, საქართველო

საქართველოს მხატვართა კავშირის წევრი
საქართველოს დიზაინერთა კავშირის წევრი

განათლება:
1983-85  ქ.პეტერბურგი შემოქმედებითი სახელოსნო, ასპირანტურა
1977-83  ქ.თბილისის სახელმწიფო სმხატვრო აკადემია, ფერწერისა და რესტავრაციის ფაკულტეტი
1993-77  ქ.თბილისის ი.ნიკოლაძის სახელობის სამხატვრო სასწავლებელი

პროფესიული გამოცდილება:
1985-დან დღემდე ქ.თბილისის სახელმწიფო  სამხატვრო აკადემია, არქიტექტურის კათედრა, ხატვის პედაგოგი, პროფესორი
1998-დან დღემდე ”მოდერნ დიზაინი”-ს მთავარი დიზაინერი

გამოფენები:
2011 "არტ გალერი ლაინ"–ი, ქ. თბილისი, საქართველო
2010 "არტ გალერი ლაინ"–ი, ქ. თბილისი, საქართველო
2009 ''არტ გალერი ლაინ''–ი, ქ. თბილისი, საქართველო
2008  ”არტ გალერი ლაინ”-ი, ქ.თბილისი, საქართველო
2007  ”არტ გალერი ლაინ”-ი, ქ.თბილისი, საქართველო
2007  ”არტ გალერი ლაინ”-ი, ”ელიტ გალერეა”, ქ.თბილისი, საქართველო
2006  ”ელიტ გალერეა”, ქ.თბილისი, საქართველო
2006   თბილისის ბიზნეს მომსახურების ცენტრი, ერთობლივი გამოფენა, ქ.თბილისი, საქართველო
2006  ”ელიტ გალერეა”, ქ.თბილისი, საქართველო
2006   გალერეა ”ფოურ ვინგს”, ქ.სხიდომ, ჰოლანდია
2006   გალერეა ”სანტ-ლაურენტი”, პერსონალური გამოფენა, ქ.მონრეალი, კანადა
2004   თბილისის ბიზნეს მომსახურების ცენტრი, ერთობლივი გამოფენა, ქ.თბილისი, საქართველო
2004  ”ელიტ გალერეა”, ქ.თბილისი, საქართველო
2004   გალერეა ”სანტ-ლაურენტი”, პერსონალური გამოფენა, ქ.მონრეალი, კანადა
2003  ”ელიტ გალერეა”, პროექტი ”კავკასიის ქარები”, ქ.ბაქო, აზერბაიჯანი
2002   გალერეა ”მარმარისი” პერსონლური გამოფენა, ქ.სტამბული, თურქეთი
2001   მხატვრის სახლი, ქ.მოსკოვი, რუსეთი
1999   გალერეა ”სანტ-ლაურენტი”, პერსონალური გამოფენა, ქ.მონრეალი, კანადა
1998   გალერეა “Harrison Art International”, ქ.მონრეალი, კანადა
1997  ”საქართველოს კვირეული” McGill-ის უნივერსიტეტში, ქ.მონრეალი, კანადა
1996   ქ. შტუდგარტი, გერმანია
1995   გალერეა ”Sanat Yapim”, პერსონალური გამოფენა, ქ.ანკარა, თურქეთი
1994   ქ.მიუნხენი, გერმანია
1993   ქ.ვენა, ავსტრია;ქ. ბუდაპეშტი, უნგრეთი
1991   ქ.ბერლინი, გერმანია, ქ.პრაღა, ჩეხეთი
1989   ქ.ვენა, ავსტრია, ქ.ოსლო, ნორვეგია
1987   ქ.თეირანი, ალბანეთი
1986   ქ.თბილისის სახელმწიფო სმხატვრო აკადემია, ქ.თბილისი, საქართველო
1985   ქ.სტოქჰოლმი, შვედეთი
1984   ქ. კოპენჰაგენი, დანია;ქ. ვარშავა,პოლონეტი
1982   ქ. მოსკოვი,რუსეთი;ქ.პეტერბურგი, რუსეთი
1981   გრამპრი ილუსტრაციისთვის, ქ.მილანი, იტალია

შესრულებული სამუშაოები:
კოსმონავტების საწვრთნელი ცენტრი, 7 კედლის მხატვრობა, ვიტრაჟი, ქანადაკება, ქ.მოსკოვი, რუსეთი
მეორე მსოფლიო ომში დაღუპულთა მემორიალი, ქ.იულიანივსკი, რუსეთი ინტურისტის სავაჭრო ცენტრი, მხატვრული გაფორმება, ქ.ვლადივასტოკო, რუსეთი
სასტუმრო”ლივ” მხატვრული გაფორმება, ქ.ლვოვი, უკრაინა
სასტუმრო ” ინტურისტი”, მხატვრული გაფორმება, ქ.ხარკოვი, უკრაინა
ქ. ხარკოვის მეტროს მხატვრული გაფორმება, ქ.ხარკოვი, უკრაინა
სასტუმრო” ლენინგრადი”, მხატვრული გაფორმება, ქ.ლენინგრადი, რუსეთი
აოვის ზღვის დასასვენებელი კომპლექსის სასტუმროების მხატვრული  გაფორმება, ქ.აზოვი, უკრაინა
სარატოვოს სავაჭრო ცენტრი, მხატვრული გაფორმება, ქ.სარატოვო, რუსეთი
გენერლების დასასვენებელი სახლი, მხატვრულიგაფორმება, ქ.ყირიმი, უკრაინა
რესტორანი”პრაღა”, მხატვრული გაფორმება, ქ.მოსკოვი, რუსეთიშესშესრულებული აქვს მრავალი კერძო დაკვეთა მსოფლიოს სხვადასხვა ქვეყნებში
 
კოლექციები:
ჯონ მაკეინი, ქ.ვაშინგტონი, ა.შ.შ- ს სენატი
სულეიმან დემირელი, თურქეთის პრეზიდენტი, ანკარა, თურქეთი
ნაზარ ბუიმი, ენიციკლოპედია ”ბრიტანიკი”-ს და რედაქცია ”ადამისის” პრეზიდენტი
სალამ ალთუნ ბეი, ინვესტორი, ქ.სტამბული, თურქეთი
დავით ჟვანია, უკრაინის რადის წევრი, ქ.კიევი, უკრაინა
მარგარიტა კოსტა იტალის ელჩი აზერბაიჯანში, ქ.რომი, იტალია
რაუფ ალიევი,კომპანია “A+A” პრეზიდენტი, ქ.ბაქო, აზერბაიჯანი
ჯოზეფ მინდერიანი, კერძო კოლექციონერი, ქ.ბერლინი, გერმანია
ნიკ ბრაზინკტონი, კომპანია ”Price Waterhouse Coopers”, ქ.მოსკოვი, რუსეთი
ფრანკო დრაგონე, ლასვეგასის ცენტრი და ცირკი  ”du soleil”,არტ დირექტორი, ლას ვეგასი, ა.შ.შ.
ილმაზ ოზკანი, თურქეთის მინისტრთა კაბინეტის წევრი
ლესლი გორნალი, კომანია BP, ქ.მაგჰერაფელტ, ირლანდია
იუკლი ანგისტი, პოეტი, ქ.სტამბული, თურქეთი
ბენჯტ ვესტერგრენ, ”AIG Central Europe & C.I.S”, პრეზიდენტი,  ქ.ლონდონი, დიდი ბრიტანეთი
არმენ პეტროსიანი, კორპორაცია “Aray”, პრეზიდენთი, ქ.დუბაი, დუბაი
იური სტაშკივ, კომპანია “WRIGLEY”, გერმანული მენეჯერი, ქ.კიევი, უკრაინა
მარტინ ბულ,კომპანია ”Booz Allen Hamilton”, ქ.ვაშინგტონი, ა.შ.შ.
სკოტ ფრეიზერი, კომპანია ”Booz Allen Hamilton”, ქ.ვაშინგტონი, ა.შ.შ.
ტორბენ ჰოლთზე, ევროკავშირის წარმომადგენლობა საქართველოში, ელჩი, ქ.კოპენჰაგენი, დანია.

სერგო თბილელი

 ახალი თაობა საკუთარ თავში სიახლისკენ სწრაფვას, ნოვატორობას, ხშირად ეპატაჟსაც მოიცავს. ოთხმოციანელთა თაობამ მოსვლისთანავე დაანგრია ყოველგვარი სტერეოტიპი. კომცეპტუალური საწყისი და სახვითი ხელოვნების ფორმალური ენა ახალი მხატრულ-სახეობრივი სტრუქტურებით შეივსო. მათი ხელოვნების ტიპოლოგიური თვისება დასავლური მხატვრული ტრადიციის გადაფასება და ნოვაცია იყო. სერგო თბილელის შემოქმედება ყველა იმ ნიშანს ატარებს, რომელიც ოთხმოციანელ თაობას გამოარჩევს და უახლოეს ქართულ ხელოვნებაში საკუთარ ადგილს იმკვიდრებს. მისი შემოქმედებითი დიაპაზონი უჩვეულოდ ფართოა - ფერმნწერი, კერამიკოსი, მოქანდაკე, დიზაინერი. თბილელის ტალანტი თანაბარზომიერად ვლინდება სახვით  ხელოვნების სხვადასხვა სფეროში. ფერწერაში მხატვრის იდეა საეხეობრივ მატერიალიზებას პოულობს ნებისმიერ მასალაში, რომელიც სურათოვნებისათვის აუცილებელ სპეციფიკას ითვალისწინებს. ნამუშევართა სტილური და ჟანრობრივი საზღვარი მრავალფეროვანია: ქრისტიანული შუასაუკუნეების ხელოვნებისთვის დამახასიათებელი ქვის რელიეფური სტელების თანამედროვე ვარიაციები; ქართული ყოფისა  და ძველთბილისური ხიბლის ნოსტალგიური განცდა ოთხმოციანი წლების დეკორატიულ კომპოზიციებში; კერამიკულ ფილებზე უაღრესად ლაკონური ხერხებით შესრულებული, ზუსტი სახვითი ნიშნით დაფიქსირებული სახარების თემების მხატვრისეული ინტერპრეტაცია. ოთხმოცდაათიანი წლების დასაწყისიდან თბილელის შემოქმედებაში აქტიურად ვლინდება ახალი ეტაპის დასაწყისი. ამ პერიოდში შესრულებულ ფერწერულ ნამუშევრებში პოსტმოდერნისტული ხელოვნების ზოგადი პრინციპები უაღრესად ორიგინალური სახითაა გაცხადებული. პოსტმოდერნისტული რეტროსპექტივიზმი თბილელის სახეობრივ- ფორმალურ მოდელში გამოიხატება ანტიკური, ქრისტიანული  და აღმოსავლური ხელოვნების, რენესანსის, ავანგარდის ელემენტების ორიგინალური სინთეზით. სხვადასხვა ისტორიულ ეპოქებში დისკურსები თბილელის ფერწერაში  უჩვეულო, მკაფიო  ინდივიდუალობის მქონე სიუჟეტური მოდუსების სახით რეალიზდება. თემა თითქოს ყველასათვის კარგად ნაცნობი , მის შემოქმედებაში ახალ, მოულოდნელ  ჟღერადობას  იძენს. პოლისტილისტიკა - პოსტმოდერნისტული ხელოვნების საპროგრამო თეზა - თბილელის ფერწერაში შეუთავსებელ საწყისთა გაერთიანებისაკენ სწრაფვით გამოიხატება და ნახევრად ზღაპრულ, მისტიკურ სამყაროდ გარდაისახება. რენესანსული ხაზისა და შუქ-ჩრდილის პრიმაზე აგებული  ნახატი ზემოდან იფარება ფერწერულად  ჟღერადი  დეკორატიული ”ქსოვილით”, რომელიც ხან ორნამენტული ხალიჩასავით ფარავს სიბრტყეს, ხან კი აქა-იქ წყდება, რომ თითქოს მისტერიულ ხილვაში სადღაც შორს  ჩაკარგული ქალაქის ხედი თუ პეიზაჟის კუთხე დაგვანახოს. ფერწერული ნამუშევრები აგებულია ნარაციაზე. მათი ”ტექსტი” თანდათანობით იხსნება და ამიტომ მაყურებელს მასთან ხანგრძლივი კონტაქტის სურვილი უჩნდება. ავტორისეული ჩანაფიქრი სურათის  ჭვრეტით  თვალიერებას  ითხოვს. ამ ნამუშევრებში აშკარად თამაშობს ”ორმაგი კოდირების” პრინციპი. სურათების ”ტექსტის” სრულყოფილი წაკითხვა ინტელექტუალურ საფუძველს მოითხოვს. მაგრამ ამასთანავე გასაგები და მისაღებია არაგაცნობიერებული მაყურებლისთვის.
      ნებისმიერ შემთხვევაში იქნება ეს რელიგიურ-ბიბლიური სიუჟეტი, მითოლოგიური თემა თუ აბსტრაქცია, თბილელის ნამუშევრებს ფორმალურ-ფერადოვანი სტრუქტურის ესთეტიზმი და დეკორატიულობა გამოარჩევს.  ადამიანის, ერის, მეხსიერებაში კოდირებული არქეტიპული სახე-სიმბოლოები ფერწერული კომპოზიციების: ”სურვილი”, ”ჯვარცმა”, ”ვენერა”, ”აპოლონი და კენტავრი”,”ადამი და ევა”, ”მუზა”, საერთო დეკორატიულ ქსოვილში ჩართულნი, მხატვრის მიერ ინტერპრეტირებული და შესაბამისებულია სიუჟეტის განვითარების  შინაარსობრივ ლოგიკას. თბილელი კონცეპტუალურად გაიაზრებს კომპოზიციის საერთო სტრუქტურაში ყოველი დეტალის აზრობრივ-დეკორატიულ ფუნქციას  და ერთ მხატვრულ მთლიანობას ქმნის. ეპოქის მთავარი პრობლემა - ” გლობალური კატასტროფის” პოსტმოდერნისტული იდეა, დამანგრეველი ძალის არსებობის და მოქმედების შეგრძნება, მხატვრისეულ გააზრებაში ბაბილონის გოდოლის სახითაა გაცხადებული. თემის მხატვრისეულ გააზრებას განსაკუთრებული დრამატიზმი გამოარჩევს. ამავე თემის გამოძახილია საქართველოს ისტორიისათვის ურთულეს ოთხმოცდაათიან წლებში შესრულებული ფერწერული კომპოზიცია ”სისხლისფერით დახატული სამყარო”, სადაც მხატვრისათვის  ლოკალური მოვლენის პიროვნული განცდა და აგრესია - მსხვერპლის ზოგადსაკაცობრიო პრობლემა ერთ მთლიანობად მოიაზრება.  გასაოცარ შთაბეჭდილებას ტოვებს მაყურებელზე ფერწერული  ნამუშევარი ”უდაბნოში გაშლილი ოაზისი”,  ერთი შეხედვით, ფერთა ლაქების თამაშზე აწყობილი აბსტრაქტული კომპოზიცია, მაყურებლის თვალწინ თითქოსრეალურ  ობიექტებად ”ლაგდება” და ქვიშიანი უდაბნოს სიღრმეში გაშლილი ოქროსფერი  ოაზისის სილუეტს იძენს, რომელიც უცბადვე ისევ ფერთა ლაქებად გარდაისახება. აქ ავტორი თითქოს რეალურად უდაბნოსათვის დამახასიათებელი საოცარი ოპტიკური  თვისების - მირაჟის შთაბეჭდილებას  იძლევა. თემის გადაწყვეტის ამგვარი ორიგინალობა მაყურებლისთვის მიმზიდველ მხატვრულ სამყაროს ქმნის. თბილელის ბოლო პერიოდის ნამუშევრებში: ”ვენეციის კარნავალი”, ანტიკური სერია ”ნიუ”, ”ყვავილნარი”, ”წარმოდგენის შემდეგ” და სხვ. ფერწერული ნამუშევრის  კონცეპტუალური დაძაბულობა და ექსპრესიულობა იკლებს, მაგრამ მატულობს სურათის ფაქტურული დინამიკა. კომპოზიციების ფერწერულ-ფორმალურ სტრუქტურაში მეტად იგრძნობა ორიენტალისტური  ელემენტების გაძლიერება. აღსანიშნავია, რომ  თბილელის ორნამენტალიზმი უფრო მეტად მხატვრული მეთოდის პრინციპს ითვალისწინებს ვიდრე მის სახეობრივ მიბაძვას. აქ თითქმის არ  გვხვდება აღმოსავლური ორნამენტი  სუფთა სახით. მცირე ზომის გეომეტრიული  თუ მცენარეული ელემენტები, როგორც ერთგვარი ორგანული, ცოცოხალი მატერია ხალიჩისებურად ფარავს სასურათე სიბრტყეს და მეტყველ სახვით - დეკორატიულ კომპოზიციებს ქმნის. სერგო თბილელის ფერწერული  ნამუშევრები სიუჟეტისა თუ თემის საინტერესო, ორიგინალური გადაწყვეტით, სამყაროს ძლიერ ინდივიდუალური წაკითხვით, ფერწერული სტრუქტურის ფერადოვან - ხაზობრივი დინამიკით მაყურებლისათვის ვიზუალურად და აზრობრივად საინტერესოა. დეკორატიულობა და ესთეტიზმი კი ამ ფერწერულ  კომპოზიციებს საგამოფენო სივრცესა თუ ინტერიერში ორგანული სინთეზირების საშუალებას იძლევა